बलिउड अभिनेत्री कंगना रनावतको आगामी फिल्म ‘इमर्जेन्सी’को फर्स्ट लुक सार्वजनिक भएको छ।
बिहीबार निर्माण टिमले एक भिडिओ सार्वजनिक गर्दै कंगनाको फर्स्ट लुक सार्वजनिक गरेको हो। कंगना फिल्ममा भारतकी पूर्वप्रधानमन्त्री इन्दिरा गान्धीको भूमिकामा देखिएकी छन्।
सार्वजनिक भिडिओमा अमेरिकी राष्ट्रपतिसँगको फोन वार्ताको प्रसंग समेटिएको छ। जसमा कंगनाले आफूलाई म्याडम होइन सर भनेर सम्बोधन गर्ने बताएकी छन्।
रेनु पट्टी र कंगनाले निर्माण गरेको फिल्मलाई कंगना आफैले निर्देशन गरेकी छन्। उनकै कथा रहेको फिल्मको पटकथा र संवाद रितेश शाहले तयार पारेका हुन्।
यो फिल्म २०२३ मा प्रदर्शन हुने बताइएको छ।
