अभिनेता आमिर खानको नयाँ फिल्म ‘लाल सिंह चड्डा’ अनलाइनमा लिक भएको छ।
बिहिबार ‘लाल सिंह चड्डा’ रिलिज हुनेबित्तिकै तमिलरकर्स र मुभिरुल्जले इन्टरनेटमा लिक गरेको भारतीय सञ्चारमाध्यमहरूले जनाएका छन् ।
केही समूहले फिल्म बहिस्कार गर्ने धम्की दिए पनि बिहिबारबाट सिनेमाघरमा फिल्म लागेको थियो।
फिल्मका निर्माताहरू लामो समयदेखि फिल्म रिलिजको पर्खाइमा थिए । फिल्मलाई लिएर निर्मातामा पनि निकै उत्साह थियो। यति मात्र होइन, फिल्मको स्टार कास्टले पनि यसको प्रचार प्रसारमा कुनै कसर बाँकी राखेका थिएनन्।
लाल सिंह चड्डाले पहिलो दिन १२ देखि १३ करोड भारतीय रूपैयाँ कमाएको छ। जुन सोचेभन्दा निकै कम हो। यति मात्र होइन, आमिर खानको यो फिल्म यसै वर्ष रिलिज भएको कार्तिक आर्यनको फिल्म भूल भुलैया २ भन्दा पनि पछि परेको छ।
फिल्म ‘भुल भुलैया २’ ले पहिलो दिन १४.११ करोड कमाएको थियो। यद्यपि यी सबै लाल सिंह चड्डाको पहिलो दिनको कमाइको अनुमानित आँकडा मात्र हुन्।
लाल सिंह चड्ढा हलिउड फिल्म ‘फरेस्ट गुम्पस’ को हिन्दी रिमेक हो । अद्वेत चन्दनको निर्देशन रहेको फिल्ममा आमिर खान, करीना कपूर खान, नागा चैतन्यको मुख्य भूमिका रहेको छ । दक्षिण भारतीय अभिनेता चैतन्यले यस फिल्मबाट बलिउडमा डेब्यु गरेका हुन्।
यसैबीच नेपालले ‘लाल सिंह चड्ढा’ को प्रदर्शन अधिकार अहिलेसम्मकै मंहगो रकममा खरिद गरेको छ।
लाल सिंह चड्ढा हलिउड फिल्म ‘फरेस्ट गुम्पस’ को हिन्दी रिमेक हो। यो फिल्ममा १९८४ मा भारतीय प्रधानमन्त्री इन्दिरा गान्धीको हत्या भएपछि भारतमा सिख समुदायको विरुद्ध लडेकाहरुको कथामा आधारित रहेको बताइएको छ।
आमिर खान प्रोडक्सन र भायकम–१८ ब्यानरमा निर्माण भएको फिल्ममा अद्वेत चन्दनको निर्देशन रहेको छ। यस फिल्मलाई विश्वभरी हलिउड स्टुडियो प्यारामाउन्ट पिक्चरर्सले वितरण गर्दैछ।
फिल्ममा आमिरसँगै करीना कपूर खान, नागा चैतन्य, मोना सिंहलगायत कलाकारको अभिनय छ। फिल्ममा आमिर खान, किरण राव, ज्योती देशपण्डे र अजित अन्धेरेको लगानी रहेको छ।
यस्तो छ ट्रेलर
