दक्षिण भारतीय अभिनेता अल्लु अर्जुन र रश्मिका मन्दानाकाे अभिनय रहने फिल्म 'पुष्पा- २'को छायांकन सुरू भएको छ।
सोमबार शुभ मुहूर्त गदै फिल्मको छायांकन सुरू गरिएको हो। यो फिल्मको नाम 'पुष्पा: द रूल' राखिएको छ।
निर्माताहरूले फिल्मको छायांकन सुरू भएको जानकारी सामाजिक सञ्जालमार्फत दिएका छन्। यो फिल्म अर्काे वर्ष प्रदर्शन हुने भारतीय सञ्चार माध्यममा उल्लेख छ।
निर्माताहरू केही समयअगाडि नै फिल्मको छायांकन सुरू गर्ने योजनामा थिए। तेलुगू निर्माताहरूको हड्तालले फिल्मको छायांकन रोकिएको थियो।
तेलुगू फिल्म निर्माता संघले कलाकारहरूले दैनिक पारिश्रमिक नपाउने सर्तमा फिल्मको छायांकन सुरू गर्ने अनुमति दिएको छ। यो घोषणा भएसँगै 'पुष्पा २' को छायांकन सुरू गरिएको हो।
यसअघि फिल्मको रिलिज अगावै कहानी लिक भएको दाबी गरिएको थियो। जसमा नायिका श्रीवल्लीको मृत्यु हुने बताइएको छ। फिल्मका खलनायक फहाद फासिलले श्रीवल्लीलाई मार्नेछन्। तर यसको औपचारिक पुष्टि अहिलेसम्म नभएको बलिउड लाइफले जनाएको छ।
सुकुमार निर्देशित फिल्म 'पुष्पा द राइज'ले बक्स अफिसमा राम्रो व्यापार गरेको थियो। फिल्मले विश्वभरबाट ३ सय करोड भारु कमाएको बताइएको छ।
