भारतका चर्चित कमेडियन कपिल शर्मा 'द कपिल शर्मा शो' तेस्रो सिजनको तयारीमा छन्। नयाँ सिजनमा उनी नयाँ लुक्समा आउँदैछन्।
केही दिनअगाडि उनले आफ्नो र अर्चना पुरण सिंहकाे लुक्स फेसबुकमा सार्वजनिक गरेका थिए जसमा उनीहरूलाई हाँसिरहेकाे देख्न सकिन्छ। कपिलकाे नयाँ लुक्सलाई दर्शकले मन पराएका छन्।
शाेमा काे-काे रहनेबारे खुलाइएकाे छैन तर शो सुरु हुनुअघि केही कमेडियनहरू भने बाहिरिएका छन्।
कृष्णा अभिषेक
कृष्ण अभिषेक 'द कपिल शर्मा शो' बाट बाहिरिएका छन्। उनले भारतीय सञ्चार माध्यमसँग कुराकानी गर्दै आफू शोबाट अलग्गिएको बताएका हुन्। निर्माण टिमसँग सम्झौता नमिलेको भन्दै उनले शो छाडेका छन्।
भारती सिंह
भारती सिंह 'द कपिल शर्मा शो'मा रहने बताइएको छ। तर उनी हरेक एपिसोडमा देखिने छैनन्। भारतीले रियालिटी शो 'सा रे गा मा पा' होस्ट गर्ने बताएकी छिन्। 'म सा रे गा मा पा होस्ट गर्दैछु। त्यसैले कपिल शर्मा शोको हरेक एपिसोडमा आउन सम्भव छैन,' उनले भनिन्।
सुमोना चक्रवर्ती
भारतीय सञ्चार माध्यमका अनुसार सुमोना चक्रवर्ती यस शोमा देखिने छैनन्। तर यसबारे सुमोना या निर्माण टिमले आधिकारिक जानकारी दिएका छैनन्।
सुदेश लहरी
सुदेश लहरी 'कपिल शर्मा शो'को पछिल्लो सिजनमा देखिएका थिए। तर यस सिजनमा उनी देखिने छन या छैनन् केही जानकारी दिइएको छैन। सुदेश आफैले पनि यस बारेमा केही बताएका छैनन्।
रोशेल राव
रोशेल राव 'द कपिल शर्मा शो'मा देखिसकेकी छन्। तर यस सिजनमा उनी हुने नहुने बारेमा केही जानकारी दिइएको छैन।
शोमा बच्चा यादव अर्थात् शारदा किकु र चन्दु अर्थात् चन्दन प्रभाकर भने रहने अनुमान गरिएको छ किनकी शोबाट बाहिरिनेमा उनीहरूको नाम छैन।
(जी न्यूजको सहयोगमा तयार पारिएको)
