बलिउड अभिनेता ऋतिक रोशन र सैफ अली खान अभिनित फिल्म 'विक्रम वेधा'को टिजर सार्वजनिक भएको छ।
सार्वजनिक टिजरमा ऋतिक रोशनको दमदार डाइलग डेलिभरी र धमाकेदार एक्सन देखाइएको छ। सैफ एक पुलिस अधिकारी 'विक्रम'को रुपमा देखिएका छन् भने ऋतिक 'वेधा'को भूमिकामा देखिएका छन्। टिजरमा उनीहरूबीच झगडा, लडाइँ र टकरावलाई देख्न सकिन्छ।
यो तमिल फिल्म 'विक्रम वेधा'को हिन्दी रिमेक हो। तमिल फिल्ममा विजय सेतुपथी र आर माधवनको मुख्य भूमिका थियो। फिल्मले राम्रो प्रतिक्रिया पाउनुको साथै बक्स अफिसमा सुपरहिट सावित भएको थियो।
पुष्कर गायत्रीले निर्देशन गरेको फिल्म विक्रम वेधामा ऋतिक र सैफसँगै राधिका आप्टे, रोहित सराफ, योगिता बिहानीलगायत कलाकारको अभिनय छ।
यो फिल्म आगामी ३० सेप्टेम्बर २०२२ मा रिलिज हुनेछ।
