बलिउड अभिनेता वरुण धवन अभिनीत फिल्म 'भेडिया'को ट्रेलर सार्वजनिक भएको छ।
बुधबार सार्वजनिक गरिएको ट्रेलरमा वरुण सामान्य मान्छेबाट भेडिया (ब्वाँसो) बनेको अवस्थालाई चित्रण गरिएको छ।
वरुणलाई जंगलको एक भेडियाले टोक्छ। त्यसपछि वरुणको रूप परिर्वतन हुन थाल्छ र ऊ मान्छेलाई टोक्न सुरु गर्छ।
फिल्ममा कृति सेननले डाक्टरको भूमिका निर्वाह गरेकी छन्।
हरर कमेडी फिल्ममा वरुण र कृतिसँगै दीपक दोब्रियाल, अभिषेक बर्नेजी, पलिन कबकलगायत कलाकारको अभिनय छ। फिल्मको कथा निरेन भट्टले तयार पारेका हुन्।
अमर कौशिकले निर्देशन गरेको फिल्मलाई दिनेश विजनले निर्माण गरेका हुन्।
हिन्दी, तमिल र तेलुगु गरी तीन भाषामा नोभेम्बर २५ अर्थात् मंसिर ९ गतेदेखि प्रदर्शन हुँदैछ।
