बलिउड अभिनेता शाहरूख खानको आगामी फिल्म 'पठान' को टिजर सार्वजनिक गरिएको छ।
अभिनेता शाहरूखको ५७ औं जन्मदिनको अवसर पारेर फिल्मको टिजर सार्वजनिक गरिएको हो।
बुधबार यशराज फिल्म्सको युट्युब च्यानलबाट टिजर सार्वजनिक गरिएको छ।
सार्वजनिक टिजरमा शाहरूखलाई एक्सन अवतारमा देख्न सकिन्छ। त्यस्तै टिजरमा दीपिका पादुकोण र जोन अब्राहमलाई पनि देखाइएको छ।
'पठान' लाई सिद्धार्थ आनन्दले निर्देशन गरेका हुन्। फिल्मकाे कथा आनन्द स्वयमले तयार पारेका हुन्।
यो फिल्म जनावरी २५ देखि हिन्दी, तमिल र तेलुगु भाषामा प्रदर्शन हुनेछ।
यो फिल्मबाहेक शाहरूखको ‘जवान’ र ‘डंकी’ प्रदर्शनको पर्खाइमा छ।
