बलिउड अभिनेत्री तथा निर्माता पूजा भट्ट बुधबार हैदराबादमा राहुल गान्धीको 'भारत जोडो यात्रा' मा सहभागी भएकी छन्।
उनी राहुल गान्धीसँग १०.५ किलोमिटर हिँडेकी थिइन्। उक्त यात्रामा सहभागी हुने उनी पहिलो बलिउड कलाकार हुन्।
भारत जोडो ट्वीटरमार्फत पूजा भट्ट सामेल भएको भिडिओ राख्दै लेखिएको छ, ‘हरेक मान्छे भारत जोडो यात्रा जोडिदैछन्। विचारधाराको यस पदयात्रामा अभिनेत्री पूजा भट्ट पनि सामेल भएकी छन्।’
अभिनेत्री पूजाले पनि यस कुरालाई पुष्टि गर्दै १०.५ किलोमिटर हिँडेको बताएकी छन्।
तेलंगाना राज्य कांग्रेसले यात्राको संयोजन गर्न १० विशेष समिति गठन गरेको छ। गान्धीले गत साता तेलंगानाबाट यात्रा सुरू गरेका हुन्।
पूजाले सन् १९८९ मा फिल्म 'ड्याडी' बाट डेब्यु गरेकी थिइन्। उनी निर्माता महेश भट्टको छोरी हुन्।
