बलिउड अभिनेता अजय देवगन अभिनीत फिल्म 'दृश्यम २' शुक्रबारदेखि प्रदर्शन भइरहेको छ।
फिल्मले बक्स अफिसमा राम्रो व्यापार गर्नुका साथै दर्शक र समीक्षकबाट सकारात्मक प्रतिक्रिया पाइरहेको छ।
‘दृश्यम २’ ले १५ करोड ३८ लाख भारतीय रुपैयाँमा ओपनिङ गरेको थियो। योसँगै अजय देवगनको फिल्म यस वर्षको ‘ब्रह्मास्त्र’ पछि बलिउडको दोस्रो ठूलो ओपनर बन्यो।
दोस्रो दिन फिल्मले अझै राम्रो प्रदर्शन गर्याे। शनिबार फिल्मले २१ करोड ५९ लाख भारु कमाएको छ भने तेस्रो दिन २७ करोड १७ लाख भारु कमाएको छ।
भारतीय बजार विश्लेषक तरण आदर्शका अनुसार फिल्मले तीन दिनमा ६४ करोड १४ लाख भारतीय रुपैयाँ कमाएको छ।
यो फिल्म ‘दृश्यम’ र ‘दृश्यम २’ मलयालम भाषामा यसै नामले बनेको फिल्मको हिन्दी रिमेक हो। मलयालम ‘दृश्यम’ र ‘दृश्यम २’ बक्स अफिसमा हिट सावित भएको थियो।
हिन्दी संस्करणमा ‘दृश्यम‘को पहिलो भाग सन् २०१५ रिलिज भएको थियो। अभिषेक पाठक निर्देशित यस फिल्ममा अजयसँगै अक्षय खन्ना, तब्बु, श्रीया सरन, इशिता दत्त, मृणाल जाधव, रजत कपूरलगायतको अभिनय छ।
