बलिउड तथा हलिउड अभिनेत्री प्रियंका चोपडा यतिबेला आगामी वेब सिरिज ‘सिटाडेल’ लाई लिएर चर्चामा छिन्।
उक्त सिरिज केही हप्तापछि रिलिज हुँदैछ। हालै अमेजन प्राइम भिडिओले ‘सिटाडेल’ लाई इन्डियन इन्स्टलमेन्ट घोषणा गरेको छ।
भारतीय संस्करणमा बलिउड अभिनेता वरूण धवन देखिनेछन्। यस सिरिजबाट वरूण डिजिटल प्लेटफर्ममा डेब्यु गर्दैछन्।
प्राइम भिडिओले सामाजिक सञ्जालमा स्टाटस पोस्ट गर्दै वरुण अनुबन्धित भएको जानकारी दिएको हो।
अभिनेता वरूणले भारतीय सञ्चार माध्यम दैनिक जागरणसँग कुराकानी गर्दै सिरिजमा काम गर्न उत्साहित रहेको बताएका छन्।
‘प्राइम भिडिओ मेरो लागि घर जस्तै हो। उनीहरूसँग काम गर्न पाउँदा निकै उत्साहित छु। रुसो ब्रदर्सको सिरिज ‘सिटाडेल’ रोमाञ्चिक फेन्चाइज हो। यस शानदार युनिभर्समा सहभागी हुन पाउनु मेरो भविष्यको ऐतिहासिक पल हो। इन्डियन सिटाडेल च्याप्टरको कहानी शानदार छ,’ उनले भने।
यस सिरिजलाई राज र डिकेले निर्देशन गर्नेछन्।
प्राइम भिडिओ र रुसो ब्रदर्सको सिरिज पहिलो ग्लोबल इभेन्ट सिरिज हुनेछ।
