विश्वकै धनाढ्यमध्येका एक मुकेश अम्बानीका छोरा अनन्त अम्बानीले इन्गेजमेन्ट गरेका छन्।
उनले पुस १४ गते राधिका मर्चेन्टसँग इन्गेजमेन्ट गरेका हुन्। राधिका एनकोर हेल्थकेयरका सिइओ वीरेन मर्चेन्टकी छोरी हुन्।
उनीहरूको इन्गेजमेन्टमा थुप्रै बलिउड कलाकार आएका थिए। उक्त समारोहमा सलमान खान, शाहरुख खान, रणवीर कपूर, आलिया भट्ट, रणवीर सिंह, जाहन्वी कपूरलगायत उपस्थित थिए।
उनीहरूको इन्गेजमेन्टमा भारतीय गायक मिका सिंहले आफ्नो प्रस्तुति दिएका थिए।
भारतीय सञ्चारमाध्यम कोइमोइका अुसार उनले दश मिनेट गीत गाएका थिए जसको पारिश्रमिक १ करोड ५० लाख भारु लिएका छन्।
भारतीय सञ्चारमाध्यमका अनुसार अरू बेला मिका यति पैसा एक घण्टा प्रस्तुति दिएपछि लिन्थे। धनाढ्य घरको इन्गेजमेन्ट भएपछि उनले महँगो पारिश्रमिक लिएको बताइएको छ।
अनन्तको इन्गेजमेन्टको फोटोहरू अहिले भाइरल भइरहेको छ। कतिले उनको इन्गेजमेन्ट समारोहबाट सार्वजिनक भएका तस्बिर र फोटो शूटको तस्बिरलाई तुलना गर्दै ट्रोल समेत बनाइरहेका छन्।
हेर्नुस् अनन्त अम्बानी र राधिका मर्चेन्टको इन्गेजमेन्टका केही तस्बिरहरू-
सबै तस्बिरहरू एनडिटिभीबाट
