भारतीय टेलिशृंखला अभिनेत्री उर्फी जावेदले गीतकार जावेद अख्तरलाई भेटेकी छन्।
उनले इन्टाग्राममा स्टोरी पोस्ट गर्दै जावेद अख्तरलाई हजुरबुवा बताएकी छन्। गत वर्ष उर्फी ‘बिग बोस ओटिटी’ मा सहभागी भएकी थिइन्। त्यतिबेला उनलाई थरको कारण जावेद अख्तरको नातिनी हो भन्ने प्रश्न गरिएको थियो।
त्यस्तै उनलाई मिडियाले जावेद अख्तरलाई भेट्नु भयो भने के भन्नुहुन्छ सोधेका थिए। उक्त प्रश्नको जवाफमा उनले सम्पत्ति माग्ने बताएकी थिइन्।
जावेद अख्तरसँग भेट भएपछि उनले तस्बिर सेयर गर्दै लेखेकी छन्, ‘अन्ततः आज मेरा हजुरबुवासँग भेट भयो। उहाँ एक लिजेन्ड हुनुहन्छ। बिहान उहाँसँग सेल्फी लिन धेरै मान्छे कुरिरहेका थिए तर उहाँले कसैको प्रस्ताव अस्वीकार गर्नु भएन। उहाँले सबैसँग मुस्कुराएर कुरा गर्नुभयो। म यो देखेर अचम्मित भएँ।’
उनीहरूको भेट दिल्लीमा भएको हो।
सन् २०१६ मा ‘बडे भैयाकी दुल्हन’ बाट डेब्यु गरेकी उर्फीले चन्द्र नन्दनी, मेरी दुर्गा, बेपनहा, जीजी माँ, ए रिस्ता क्या कहलाता हे, कसौटी जिन्दगीकी जस्ता टेलिशृंखलामा काम गरेकी छन्।
