भारतीय टेलिशृंखला अभिनेत्री उर्फी जावेद समस्यामा परेकी छन्। उनी मुम्बईमा बस्न घर नपाएपछि समस्यामा परेकी हुन्।
उर्फीले ट्वीटरमार्फत आफूले मुम्बईमा बस्न घर नपाएको बताएकी छन्।
‘मुस्लिम घर मालिकहरू मेरो पहिरन शैलीका कारण घर दिन मानेका छैनन्। हिन्दु मालिकहरू मलाई मुस्लिम भएको भन्दै घर दिन मानिरहेका छैनन्। केहीले भने मलाई आइरहने राजनीतिक धम्कीका कारण घर दिन मानिरहेका छैनन्। मुम्बईमा घर पाउन मुस्किल छ,’ उनले लेखेकी छन्।
पछिल्लो समय उर्फी पहिरनको कारण चर्चामा छिन्। अतरंगी पहिरनका कारण उनको चर्चासँगै ट्रोल पनि हुने गरेको छ। बोल्ड पहिरनका कारण समस्यामा परेकी छन्।
सन् २०१६ मा ‘बडे भैयाकी दुल्हन’ बाट डेब्यु गरेकी उर्फीले चन्द्र नन्दनी, मेरी दुर्गा, बेपनहा, जीजी माँ, ए रिस्ता क्या कहलाता हे, कसौटी जिन्दगीकी जस्ता टेलिशृंखलामा काम गरेकी छन्।
