बलिउड अभिनेता सिद्धार्थ मल्होत्रा र अभिनेत्री कियारा आडवाणीले मुम्बईमा एक भव्य रिसेप्सन पार्टी दिएका छन्।
आइतबार उनीहरूको पार्टीमा थुप्रै बलिउड कलाकार सहभागी भएका थिए।
उनीहरूको विवाह पार्टीमा आलिया भट्ट, नीतु कपूर, करीना कपूर खान, शिल्पा शेट्टी, अजय देवगन, काजोल, करण जोहर, दिशा पाटनी, गौरी खान, कृति सेनन, अभिषेक बच्चनलगायत सहभागी थिए।
सिद्धार्थ र कियाराले ७ फेब्रुअरीमा विवाह गरेका हुन्। उनीहरूको वैवाहिक समारोह जैसलमेरको सूर्यगढ दरबारमा थियो।
फिल्म ‘शेरशाह’ को छायांकन क्रममा उनीहरूबीच प्रेम सम्बन्धको सुरूआत भएको थियो। सिद्धार्थ र कियाराले आफ्नो प्रेम सम्बन्धको बारेमा कहिल्यै खुलेर बोलेका थिएनन्। न त अस्वीकार नै गरेका थिए।
तस्बिरहरू: भारतीय सञ्चारमाध्यम
