बलिउड तथा हलिउड अभिनेत्री प्रियंका चोपडाको स्पाइ वेब सिरिज 'सिटाडेल' को ट्रेलर सार्वजनिक भएको छ।
सोमबार सार्वजनिक गरिएको ट्रेलरमा प्रियंका जासुसको भूमिकामा देखिएकी छन्। सिटाडेल नामक ग्लोबल स्पाइ एजेन्सीको ८ वर्षअघि विष्फोट भएको हुन्छ। यसबाट रिचर्ड र प्रियंका बच्न सफल हुन्छन्। उक्त घटना बिर्सेर उनीहरू आ-आफ्नो जिन्दगीमा अगाडि बढिरहेका हुन्छन्। एक दिन सिटाडेलमा काम गरिसकेका एक व्यक्तिले उनीहरूलाई भेट्छन्। त्यसपछि नयाँ मिसन सुरू हुन्छ।
वेब सिरिजमा रिचर्ड म्याडेन, प्रियंका चोपडा, स्टेनली टुकी, लेस्ली म्यानविल, ओसी इखिलेलगायत कलाकारको अभिनय छ।
१८५ मिलियन डलरमा निर्माण भएको सिरिजलाई इटाली र भारतमा छायांकन गरिएको हो।
रुसो ब्रदर्सले निर्देशन गरेको सिरिज अमेजन प्राइममा ६ एपिसोड प्रदर्शन हुनेछ। सिरिजको पहिलो दुई एपिसोड २८ अप्रिलमा सार्वजनिक गरिनेछ भने २६ मेदेखि हरेक हप्ता नयाँ एपिसोड प्रदर्शन गरिनेछ।
