भारतीय फिल्म 'पोन्नियिन सेल्वन- २' को ट्रेलर सार्वजनिक भएको छ।
सार्वजनिक ट्रेलरमा ऐश्वर्या राय बच्चन राजकुमारी नन्दिनीको भूमिकामा देखिएकी छन्। फिल्मका उनी चोल साम्राज्यको अन्त्य गर्ने तयारीमा देखिएकी छन्।
मणि रत्नमको निर्देशनमा बनेको फिल्म कल्कीद्वारा लिखित यही नामको चर्चित उपन्यासमा आधारित छ।
फिल्ममा ऐश्वर्या राय बच्चन, चियान विक्रम, तृषा कृष्णन, सोभिता धुलिपाला, जयम रवि, ऐश्वर्य लक्ष्मी, प्रकाश राजलगायत कलाकारको अभिनय छ। फिल्ममा ऐश्वर्या को दोहोरो भूमिका छ। उनी राजकुमारी नन्दिनी र मन्दाकिनीको भूमिकामा देखिनेछिन्।
रवि वर्मनले छायांकन गरेको फिल्मलाई श्रीकर प्रसादले सम्पादन गरेका छन्।
यो फिल्म हिन्दी, तमिल, तेलुगु, मलयालम र कन्नड गरी पाँच भाषामा रिलिज हुनेछ। २५० करोड भारूमा बनेको फिल्म अप्रिल २८ देखि प्रदर्शन हुनेछ।
फिल्म ‘पोन्नियिन सेल्वन- १’ ले बक्स अफिसमा राम्रो कमाइ गरेको थियो। फिल्मले राम्रो कमाई गर्नुको साथै सकारात्मक समीक्षा पाएको थियो।
