भारतीय टीभी सिरियल 'महाकाली अंत की आरम्भ है' मा नंदी र इंद्रको भूमिका निभाउने दुई कलाकारको कार दुर्घटनामा मृत्यु भएको छ। गगन कैग र अर्जित लवानिया नाम गरेका दुई कलाकार सिरियलको शुटिङ सकेर फर्कने क्रममा कारको दुर्घटना भएको प्रहरीले जनाएको छ।
मुम्बईको नजिक पालघर जिल्लामा मुम्बई अहमदाबाद उच्च राजमार्गमा शनिबार विहान एक ट्रकसँग उनीहरु चढेको कार ठोक्किदा दुई कलाकार सहित ३ जनाको मृत्यु भएको हो। दुर्घटना भएको समय पानी परिरहेको थियो।
द्रुत गतिमा चलिरहेको गाडीसँग ठक्कर खाँदा ३ जनाको घटनास्थलमै मृत्यु भएको त्यहाँको प्रहरीेले जनाएका छन्। मृत्यु हुने गगन र अर्जितले कर्लस च्यानलबाट आउने धाराबाहिक 'महाकाली अंत की आरम्भ है' मा काम गरेका थिए। यो सिरियल एक पौराणिक कथामा आधारित छ।
