ताम्राकार मोबाइल बजारले अंग्रेजी नयाँ वर्षको अवसरमा मोबाइल खरिद गर्दा लक्की ड्रबाट मोटरसाइकल जित्ने सकिने अफर ल्याएको छ।
‘ताम्राकारमा मोबाइल किनौं मोटरसाइकल चढौं’ भन्ने स्लोगनका साथ जनवरी १ तारिखबाट ७ तारिख सम्म मोबाइल खरिद गर्नेहरु मध्येबाट गोलाप्रथा गरी सुजुकीको एउटा मोटरसाइकल उपहार प्रदान गरिने ताम्राकार मोबाइल ब्यापार संघका अध्यक्ष जगत साउदले जानकारी दिए।
यससँगै दशैं तिहारको योजना अन्तर्गत पहिलो मोटरसाइकल ससेन्द्र बिक्रम चौधरीले पाएका थिए भने दोस्रो बम्पर उपहार बुद्धनगरका रमेश तण्डुकारले पाएको साउदले जनाए।
ताम्राकारकै बम्पर उपहार योजना अन्तर्गतको ताम्राकारको दशैं तिहार उपहार योजना अन्तर्गत ५० जनाले मोबाइल, ६५ वटा पावर बैंक र ५० भन्दा बढी ब्लुतुथ बितरण गरिएको मोबाइल ब्यापार संघ साउदले बताए।
मोटरसाइकलको लक्की ड्र अंग्रेजी महिना जनवरीको दोस्रो हप्ता गरिने बजारले जनाएको छ ।
