आगामी शुक्रबारदेखि काठमाडौंको भृकुटीमण्डपमा ‘चौंथो बंगलादेश एक्स्पो’ आयोजना हुने भएको छ।
नेपाल स्थित बंगलादेश राजदुतावासले मंगलबार काठमाडौंमा पत्रकार सम्मेलन गरी ‘चौंथो बंगलादेश एक्स्पो’ आयोजना गर्न लागेकोे जनाएको हो।
५ दिनसम्म चल्ने एक्स्पोमा बंगलादेशमा उत्पादन भएका भवन निर्माण, लेदर, विद्युतीय उपकरण, हस्तकला लगायतका सामग्री रहने दुतावासले जनाएको छ। दुई देश बीचको व्यापारलाई अझै सहज बनाउन एक्स्पोलाई निरन्तरता दिएको नेपालका लागि बंगलादेशी राजदुत मास्फी बिन्ते साम्सले जानकारी दिए।
बिन्तेका अनुसार एक्सपोमा आर्ट सम्बन्धि विशेष प्रर्दशनी पनि हुनेछ। दुई देश बीचको कला आदानप्रदान गर्ने उद्देश्यले एक्स्पोमा आर्ट प्रर्दशनीलाई विशेष जोड दिइएको दुताबासबाट जारी प्रेस विज्ञप्तिमा उल्लेख गरिएको छ।
