कोरोना भाइरसको रोकथाम तथा नियन्त्रणका लागि संसारका धेरै देशमा आवागमन प्रभावित भएको छ। कयौ देशले लकडाउन गरेकका छन्। धेरै देशले हवाइ यातायात रोक लगाएका छन्।
भारतमा पनि लकडाउन छ। सबै अन्तर्राष्ट्रिय तथा आन्तरिक उडान बन्द भएका छन्। लकडाउन खुलेपछि सुरुमा आन्तरिक रुटमा उडान सुचारु गर्ने भारत सरकारले तयारी गरिरहेका छ। उडान सुरु गर्नका लागि त्यहाँको नागरिक उड्डयन नियमकले एयरलाइन्सहरुलाई लकडाउन पछि सुरु हुने उडानमा यात्रुबीचको दुरी कसरी कायम गर्ने भनेर छलफल चलाएको छ।
नियमकले एयरलाइन्सहरुलाई सुरुमा जहाजमा हुने सिटहरुबीचको दुरी बढाउनका लागि एउटा सिट खाली गर्ने प्रस्ताव गरेको थियो। तर त्यहाँका एयरलाइन्सहरुले यो प्रस्ताव अस्वीकार गरिदिएका छन्।
भारतीय सञ्चारमाध्यममा प्रकाशित समाचारहरुका अनुसार भाइरस संक्रमण रोक्नका लागि अन्य उपाया अपनाउन सकिएपनि सिट खाली गर्नु जहाज नउडानु बराबर हुने बताएका छन्। यसबाट आर्थिक रुपमा घाटा हुने भएकाले त्यसो गर्न नसकिने उनीहरुले प्रतिक्रिया दिएका छन्।
भारतको जस्तै नेपालमा पनि बीचको सिट खाली राख्ने तथा अन्य केही उपाया अपनाउने बारे छलफल भइरहेको छ। संसारभर लकडाउनपछिको उडान कसरी सुचारु गर्ने भनेर छलफल भइरहेको छ। कोरोना बिरुद्धको भ्याक्सिन तथा औषधि पत्ता नलाग्दासम्म मान्छेबीचको निश्चित दुरी कायम गर्नुपर्ने भन्दै लकडाउन खुलेपनि उडानमा सतर्कता आवश्यक पर्ने छ।
