ओमानबाट १६६ यात्रु बोकेर सलाम एयरको जाहाज काठमाडौँ विमानस्थलमा अवतरण गरेको छ।
विदेशमा बस्ने कोभिड– १९ बाट प्रभावितलाई सम्बन्धित देश तथा नेपाल सरकारले निर्धारण गरेको मापदण्ड पालना गरी आवश्यक प्रक्रियापछि नेपाल फिर्किने काम सुरु भइसकेको छ।
नेपाल आउन सहजीकरण गर्ने भन्ने नेपाल सरकारको निर्णयअनुसार सम्बन्धित देशका राजदुताबासबाट आवश्यक कार्यहरु अघि बढी नेपाल फर्किने काम सुरु भएको हो।
उनीहरुको हवाई टिकट व्यवस्थापनका सम्बन्धमा ओमानस्थित नेपाली राजदुताबाससंगको सहकार्यमा सलाम एयरले सहयोगस्वरूप सुलभ दरमा टिकट उपलब्ध गरेकाे बताइएको छ।
उक्त सेवालाई ओमानस्थित नेपाली राजदुताबाससंग आबद्ध सबै कर्मचारीहरुले त्यस्ताे कदमलाई सकरात्मक रुपमा लिएका छन्।
सलाम एयरले नेपालमा आइएमई ग्रुप अन्तर्गत संचालित आइएमई ट्राभलको जीएसए व्यवस्थापनमा उडान भर्दै आइरहेको छ।
नेपालमा आफ्नो हवाई सेवा विस्तार गरेको करिब डेढ वर्षमै माहामारीको अवस्था झेल्नु परेता पनि मानवीय सेवाका लागि सलाम एयरको निक्कै ठूलो योगदान रहेको आइएमई ट्राभलका प्रमुख कार्यकारी अधिकृत बिनोद सापकोटाले बताए।
