नेपाल भेन्टिलेटर बैंकको सय दिनमा एक हजार भेन्टिलेटर सरकारलाई उपलब्ध गराउने अभियानमा फोनपे पेमेन्ट सर्भिस लिमिटेडले साथ दिएको छ ।
अभियान अन्तर्गत अबदेखि फोन पे नेटवर्कबाट अन्तरबैंक कारोबार गर्दा प्रतिकारोबार एक रुपैयाँ छुट्याइने छ । यसरी छुट्याइएको रकम नेपाल भेन्टिलेटर बैंकलाई दिने फोन पेले जानकारी दिएको छ।
भेन्टिलेटर बैंकले सय दिनमा एक हजार भेन्टिलेटर उपलब्ध गराउने उदेश्यले अभियान सञ्चालन गरिरहेको छ । हरेक कारोबारमा १ रुपैयाँ छुट्याउने सम्झौता पत्रमा एफवान सफ्ट ग्रुपका अध्यक्ष विश्वास ढकाल र भेन्टिलेटर बैंकका तर्फबाट बैंकका अध्यक्ष निरञ्जन श्रेष्ठले हस्ताक्षर गरेका छन्।
यो अभियान भदौ १ देखि महिनादिनसम्म चल्ने छ।
सम्झौतापछि एफवान सफ्ट अध्यक्ष विश्वास ढकालले विषम परिस्थितीमा भेन्टिलेटरको अभावका कारण कसैले ज्यान गुमाउन नपरोस् भन्ने उदेश्यले भेन्टिलेटर बैंकलाई सहयोग गर्न पाउँदा खुसी भएको जानकारी दिए।
