बिगमार्टमा किनमेल गर्दा इसेवा तथा फोनपे नेटवर्क मार्फत् भुक्तानी गर्दा २५ प्रतिशत सम्म छुट पाइने भएको छ । डिजिटल भुक्तानीलाई प्रोत्साहन गर्ने उदेश्यले बिगमार्ट र इसेवाको सहकार्यमा सुरू भएको यो योजना भदौ ३१ गतेसम्म लागू हुनेछ ।
बिगमार्टका ५० स्टोरमा लागू हुने योजना अनुसार बिहान र बेलुका फलफुल तथा तरकारी खरिद गर्दा इसेवा तथा फोनपेबाट (मोबाईल बैंकिङ) क्यूआर मार्फत् भुक्तानी गर्दा १५ प्रतिशत छुट पाइने छ।
दिउसो ११ बजेदेखि ४ बजेसम्म २५ प्रतिशत छुट पाइने छ।
यस्तो छुट अधिकतम ३ सय रुपैयाँसम्म हुनेछ ।
