वाणिज्य, आपूर्ति तथा उपभोक्ता संरक्षण विभागले वि एण्ड वी मिट मार्टलाई ३ लाख जरिवाना गराएको छ।
मरेको कुखुरा बेचेको कसुरमा विभागले मार्टलाई सो रकम बराबरको जरिवाना गराएको हो।
‘काभ्रेबाट गाडीमा ल्याएको कुखरा बाटोमा गाडी दुर्घटना भएपछि कुखुरा सबै मरेका रहेछन्। मरेपनि बेच्न हुन्छ भनेर ल्याएको रहेछ,’ विभागका प्रवक्ता रवीन्द्र आचार्यले भने, ‘त्यो थाहा पाएपछि त्यसको सञ्चालकलाई हिजै प्रहरीले नियन्त्रणमा लिएको रहेछ। आज हामी जाँदा एक बोरा कुखुराको टाउको काटेर राखिसकेको रहेछ। बेच्ने मनसाय देखेपछि हामीले कारबाही गरेका हौं।’
उपभोक्ता संरक्षण ऐनअनुसार गुणस्तरहीन वस्तु बेचबिखन गरेकाले सोही बमोजिम ३ लाख जरिवान गराइएको उनले बताएको छ।
सामान्यतया एक जिल्लामा मरेको पशु अर्को जिल्लामा लैजान पाइँदैन।
