चीन तर्फका मुख्य दुई व्यापारीक नाका महिना दिनदेखि बन्द रहेका छन्।
बाढी पहिरोको कारण देखाउँदै चिनियाँ नाका बन्द भएका हुन्।
तातोपानी नाका चीनको ताल फुट्ने प्रक्षेपन भएको बेलादेखि बन्द भएको हो। यसै पनि चीनले निर्यातमात्र खोलेको उक्त नाका बन्द भको महिनादिन बढी भइसकेको छ।
पछिल्लो समय बाढी पहिरोका कारण तातोपानीबाट काठमाडौं आउने सडक पनि अवरुद्ध भएको थियो। व्यवसायीकै पहलमा मर्मतको काम भएपनि नाका भने खुल्ने सुरसार छैन।
उक्त नाकामा नेपाल तर्फका कार्यालयहरु भने खुला छन्।
त्यस्तै केरुङ नाका पनि बन्द रहेको छ। बाढी पहिरोकै कारण देखाएर बन्द भएको उक्त नाका अझै पनि खुलेको छैन।
वर्षात कारण अविच्छिन्न सडक यातायात स्थापित हुननसक्दा नाका खुल्न नसकेको र खोल्ने प्रयास भइरहेको भन्सार विभागका महानिर्देशक सुमन दाहालले जानकारी दिए।
'दुबै मुख्य व्यापारिक नाका अहिले बन्द छन्। नाका खुलाउनका लागि भएका सडकका केही अवरोध पन्छाउने काम पनि भइरहेको छ' दाहालले सेतोपाटीसँग भने।
दाहाहलका अनुसार भन्सार कार्यालयहरु खुलिरहेका छन्। तर नाका नै बन्द भएकाले कुनै पनि गतिविधि भइरहेको छैन।
