मोरङमा होम डेलिभरी र टेक वे गर्न पाइने भएको छ।
जिल्ला प्रशासन कार्यलय, मोरङले सूचना जारी गर्दै होटल तथा रेष्टुरेन्टले अनलाइन अर्डरका होम डेलिभरी अथवा ग्राहक स्वयम् आएर प्याकिङ गरी लैजाने गरी टेक अवे विधि अपनाएर व्यवसाय संचालन गर्न पाउने जनाएको छ।
कार्यलयका अनुसार ग्राहक होटलमा जमघट हुन भने पाउने छैनन्।
त्यस्तै, खाद्य वस्तु, इन्धन, खाना पकाउने ग्यास, तरकारी, फलफुल, दुध डेरी, हार्ड वयेर, कपडा पसल संचालकले ग्राहकको तापक्रम जाँच्ने, २ मिटरको सामाजिक दुरी कायम राख्ने, मास्क, सेनिटाइजर प्रयोग गर्ने लगायत सरकारले तोकेको स्वास्थ्य सुरक्षालाई ध्यान दिई दिउँसो ४ बजेसम्म मात्र पसल संचालन गर्न पाउनेछन्।
