यती एयरलाइन्सले काठमाडौं–सिमरा नियमित व्यवसायिक उडान सुरु गरेको छ। पछिल्लो समय व्यस्त मानिएको यो रुटमा यतीले एक दशक पछि उडान गरेको हो।
यतीले प्राधिकरणबाट दैनिक ३ उडान गर्नका लागि अनुमति पाएको छ। अहिलेको समयमा भने उसले न्यूनतम उडान गर्ने छ।
७२ सिट क्षमताका पाँच एटिआर ७२ जहाज र ५ जेटस्ट्रिम भएको यतीले यात्रुको माग धेरै भएको भन्दै उडानको योजना बनाएको हो।
यतीले जेटस्ट्रिम-४१ जहाजबाट यो रुटमा उडान गर्ने छ।
काठमाडौं–सिमरा रुटमा यसअघि बुद्ध एयरले एक्लै उडान गर्दै आएको थियो। उडान तालिका भएपनि नेपाल एयरलाइन्सले निमयित उडान गरिरहेको थिएन। लकडाउन अगाडि सिमरा उडानका लागि श्री एयरले पनि आवेदन दिएको थियो। श्रीले पनि उडान गर्ने तयारी गरिरहेको छ।
काठमाडौं-सिमरा रुटमा १ हजार ९९९ रुपैयाँ प्रबर्द्धनात्मक भाडा निर्धारण गरिएको एयरलाइन्सले जानकारी दिएको छ।
