नेपाल महिला चेम्बर र अनलाइन सपिङ साइट सोचेको डटकमबीच समझदारी भएको छ।
नेपाल चेम्बर अफ कमर्श अन्तर्गतको महिला चेम्बर र सोचेको डटकम बीच समझदारी पत्रमा आज हस्ताक्षर भएको हो।
महिला चेम्बरको तर्फबाट सभापति उर्मिला श्रेष्ठ र सोचेको डटकमको तर्फबाट प्रवन्ध निर्देशक शैलेस लोहनीले हस्ताक्षर गरेका छन्।
समझदारीअनुसार चेम्बरमा आबद्ध महिला उद्दमीले उत्पादन गरेका वस्तुको बिक्री तथा प्रबर्द्धन सोचेको डटकमले गर्ने छ।
पछिल्लो समय बढ्दै गएको अनलाइन सपिङको माहोलका बीच भएको यो समझदारीबाट दुवै पक्षको हित हुने चेम्बरद्वारा जारी विज्ञप्तिमा उल्लेख गरिएको छ।
