नेपाल उद्योग वाणिज्य महासंघको चुनावमा उपाध्यक्षमा उम्मेद्वारी दिएका त्रिवेणी ग्रुपका निर्देशक रामचन्द्र संघईले चुनावमा मतदाताको साथ पाउने विश्वास व्यक्त गरेका छन्।
काठमाडौंमा जारी महासंघको सधारणसभाका आफ्नो धारणा राख्दै सघईले अहिलेको कठिन समयमा आउने नयाँ नेतृत्वले निजी क्षेत्रको उत्थान तथा आर्थिक पुनरुत्थानका लागि काम गर्ने बताए।
चन्द्र ढकाल प्यानलबाट एशोसिएटबाट उम्मेद्वार बनेका संघईले आफ्नो समूहले चुनाव जितेमा समग्र महासंघको गरिमा बढाउने तथा निजी क्षेत्रको बलियो सारथी बन्ने बताए।
'हाम्रो समूहमा केही गरौ भन्नेहरु हुनुहुन्छ। हामीले चुनाव जितेमा त्यसको प्रभाव महासंघको कार्यशैलीमा देखिन्छ' उनले भने।
निजी क्षेत्रसँग जोडिने सबैभन्दा महत्वपूर्ण सरोकार श्रम सम्बन्ध व्यवस्थापनका लागि एशोसिएटको भुमिका धेरै हुने र आफूले त्यसका बारेमा अनुभव गरेकाले चुनावबाट निर्वाचित भएपछि काम गरेर देखाउने उनको दाबी छ।
