अनलाइन बजार दराजले यो वर्ष विशेष छुट अफरका साथ १२. १२ घोषणा गरेको छ।
११.११ अभियानको विशाल सफलता पछि दराजले वर्षको अन्तिम सेल अभियान १२.१२ को घोषणा गरेको हो। उक्त अभियान २७ मंसिर मध्यरातदेखि पुस ३ गते (१२ देखि १८ डिसेम्बर) सम्म हुनेछ।
१२.१२ मा दराज उपभोक्ताले विशेष छुटका साथ भाउचर र बैंक कार्ड मार्फत थप छुटको लाभ उठाउन सक्नेछन्।
यस अभियानको लागि सानिमा, माछापुच्छ्रे र सिटिजन बैंकका क्रेडिट र डेबिट कार्ड बाहकले कार्ड प्रिपेमेन्टमा १२ प्रतिशत (अधिकतम १ हजार २१२ रुपैयाँ) सम्मको छुट पाउन सक्नेछन्।
यसबाहेक, उपभोक्ताले ‘मेगा गिभअवे’को रूपमा ६९ हजार ९९९ को नयाँ सामसुङ ग्यालेक्सी एस २० एफई जित्ने अवसर पाउने छन्।
सेलको उत्साहलाई निरन्तरता दिनको लागि उपभोक्ताहरुले वान रुपी गेममा पनि भाग लिन सक्छन्। जहाँ उनीहरूले नयाँ मोटोरोला ई प्लस लगायत अन्य उत्पादनहरु १ रुपैयाँमा जित्न सक्नेछन्।
त्यस्तै, १२.१२ मा मोटोरोलाले मोटोरोला ई सेवेन प्लस र मोटोरोला जी प्ले दराज मार्फत लन्च गर्दै छन्।
उक्त फोन किन्न चाहनेले कार्ड मार्फत १२ प्रतिशतको अतिरिक्त छुटका साथै निःशुल्क होम डेलिभरीको फाइदा पनि उठाउन सक्नेछन।
१२.१२ मा दराजले नेपालमा बनेका सामानहरूलाई विशेष प्राथमिकता दिँदै शुलभ मूल्यमा उपलब्ध गराउँदैछ।
प्रबन्ध निर्देशक, लिनो अलरिङ्गले दराज ११.११ को लागि मात्र नभई विशेष गरी साना आकारका उद्यम र स्थानीय विक्रेताको लागि एकदमै सफल अभियान रहेको बताए।
‘यस प्रकारको सेल अभियानले स्थानीय विक्रेता र एसएमईलाई बढावा दिन राम्रो प्लेटफर्मको रूपमा काम गर्दछ’ उनले भने ‘ग्राहकहरूलाई पनि सुरक्षित र उत्तम शपिङ अनुभव प्रदान गर्दछ।’
