नेपाल एयरलाइन्सले पुस २ देखि काठमाडौंबाट भारतको राजधानी नयाँ दिल्लीमा नियमित व्यावसायिक उडान गर्ने भएको छ।
लकडाउनका कारण गएको चैतदेखि बन्द रहेको नियमित व्यावसायिक उडान पुस २ देखि उडान गर्ने सबै तयारी भएको नेपाल एयरलाइन्सका महाप्रबन्धक डिमप्रकाश पौडेलले जानकारी दिए।
नेपाल सरकारले अघिल्लो साता नै यो रुटमा उडान अनुमति दिने निर्णय गरेको थियो। बिहीबार भारत सरकारले पनि एयर बबल प्रणालीमा उडान अनुमति दिने निर्णय गरेको छ।
योसँगै नेपाल एयरलाइन्स र एयर इन्डियाले यो रुटमा दैनिक १/१ उडान गर्न पाउने भएका छन्।
एयरबबल प्रणालीमा एयरलाइन्सहरुले तेस्रो देशका यात्रु बोक्न पाउने छैनन्।
