यती एयरलाइन्सले सिमराबाट पनि माउन्टेन फ्लाइट गर्ने भएको छ।
हप्तामा एकदिन शनिबार काठमाडौंको त्रिभुवन अन्तर्राष्ट्रिय विमानस्थलबाटमात्र माउन्टेन फ्लाइट सञ्चालन गर्दै आएको यतिले भोलिको शनिबारदेखि सिमराबाट पनि सुरु गर्न लागेको हो।
सिमरा विमानस्थलबाट हुने उडान स्थानीय टुर अपरेटरहरुको अग्रसरतामा हुन लागेको र यात्रुको आकर्षण देखिएमा निरन्तरता पाउने यतीका प्रवक्ता सुदर्शन बर्तौलाले जानकारी दिए।
माउन्टेन फ्लाइटको रुट भने काठमाडौंबाट उडेको जस्तै हुने छ। यद्यपी सिमराबाट आउने उडानबाट अझै सुन्दर दृष्य देखिने बर्तौलाको भनाइ छ।
'सिमराबाट आउने जहाज पहिले नै हाइट लिइसकेको हुन्छ। त्यसले गर्दा माउन्टेन भ्यू अझै राम्रो हुने छ' उनले भने।
