दश करोड लगानीमा प्रिफ्याब प्यानल उत्पादन गर्ने उद्योग स्थापना हुने भएको छ।
भित्री तथा बाहिरी पार्टेशन वालको रुपमा प्रयोग हुने प्रिफ्याब प्यानल उत्पादन उद्योग निर्माणको काम भक्तपुरमा भइरहेको हो।
इको प्यानल नेपाल प्रालीले उद्योग निर्माको काम गरिरहेको हो। कम्पनीले आगामी बैशाखदेखि उत्पादन सुरुगरिसक्ने लक्ष्य लिएको छ।
चागुनारायण नगरपालिका झौखेलको १० रोपनी क्षेत्रफलमा फ्याक्ट्री निर्माणको काम भइरहेको कम्पनीका प्रमुख कार्यकारी अधिकृत कृष्णभक्त दुवालले जानकारी दिए। विभिन्न प्रकारका प्यानलहरु उत्पादन हुने उनको भनाइ छ।
अहिले पनि विदेशबाट आयात भइरहेका एरेटेड प्रिफ्याब प्यानलको पनि उत्पादन गरिने दुवालको भनाइ छ।
वार्षिक पाँच लाख वर्गमिटर उत्पादन क्षमता हुने उद्योगले भविष्यमा आधुनिक निर्माण सामग्रीको निर्माण पनि सुरु गर्ने लक्ष्य लिएको छ।
