रौतहटको गरुडास्थित श्रीराम सुगर मिल्सले उखु किसानको बक्यौता रकम शुक्रबारदेखि भुक्तानी गर्ने जनाएको छ।
एक विज्ञप्ति जारी गर्दै उद्योगले बक्यौता रकमका सम्बन्धमा पटक पटक सम्बन्धित निकायहरुमा छलफल गरी समस्या समाधानका उपायहरु खोजे पनि समाधान हुन नसकेको दावी गरेको छ।
उद्योगले भुक्तानी गर्न बाँकी रहेको बक्यौता रकम भुक्तानीका लागि उद्योगको बैंक खातामा रकम जम्मा भई सकेको दावी गरेको छ। साथै भुक्तानीका लागि कारनास्थलमा सूचना टाँस गरी सकेको उद्योगले जनाएको छ।
‘शुक्रबारदेखि नै भुक्तानी चालु गर्ने ब्यहोरा उल्लेख भएको सबैमा जानकारी गराउन चाहन्छौं’ विज्ञप्तिमा भनिएको छ।
साथै उद्योगले उखु किसानलाई भुक्तानी गर्न विलम्व भई पर्न गएको पीर मर्का तथा दुःख प्रति क्षमायाचना गरेको छ।
