अन्हाइजर बुस इन्बेभ (एबी इन्वेभ) वेभरेज कम्पनीले नेपालमा बियर बड्वाइजरको बिक्री सुरु गरेको छ।
अमेरिकी शैलीको लागर बियर बड्वाइजर नेपालीले मनपराउने विश्वास कम्पनीको छ। कम्पनीका अनुसार यो बियर सुरुआतमा काठमाडौं उपत्यकामा मात्रै बिक्री गरिने छ। विस्तार मुलुकभर उपलब्ध गराइने कम्पनीको योजना छ।
एबी इन्वेभले जावालाखेल ग्रुप अफ इण्डष्ट्रिज अन्तर्गतको राज ब्रुअरीसँग साझेदारी गरेर फोस्टर्स बियर भित्र्याउँदै आएको छ।
बड्वाइजरको सुरुआत सन् १८७६ मा संयुक्त राज्य अमेरिकामा एक अमेरिकन स्टाइल लागर बियरको रुपमा भएको थियो।
