केही दिन यता काठमाडौं उपत्यकासहित देशका विभिन्न स्थानमा मौसम बदली र वर्षा भइरहेको छ। प्रतिकूल मौसम र भिजिबिलिटीका कारण केही आन्तरिक उडानहरु रद्ध भएको वायुसेवा कम्पनीहरुले जानकारी दिएका छन्।
पोखराको मौसम र भिजिबिलिटीका कारण केही उडान रद्ध गरिएको बुद्ध एयरले जानकारी दिएको छ। त्यस्तै भरतपुर, विराटनगरमा पनि भिजिविलिटीका कारण उडान ढिलाइ भएको कम्पनीले जानकारी दिएको हो।
मौसमकै कारण उपत्यका बाहिरका विमानस्थल बन्द हुँदा धेरै उडानहरु प्रभावति भएका छन्।
त्रिभुवन अन्तर्राष्ट्रिय विमानस्थलले आइतबार विभिन्न वायुसेवा कम्पनीका दुई सय आठ उडान अवतरणको तालिका सार्वजनिक गरेको छ। जसमा अन्तर्राष्ट्रिय तर्फ १४ अवतरण र १३ उडान तालिका सार्वजनिक भएको छ।
आन्तरिक उडान प्रभावित भए पनि अन्तर्राष्ट्रिय उडान भने प्रभावित नभएको विमानस्थलले जनाएको छ।
