हवाई टिकेटमा सबैभन्दा बढी क्यासब्याक दिने अनलाइन भुक्तानी सेवा प्रदायक कम्पनी खल्ती डिजिटल वालेटले खल्तीमा उपलब्ध जुनसुकै एयरलाइन्सको टिकट बुक गर्दा मात्र १ रुपैयाँमा हवाई टिकट खरिद गर्न सकिने अफर ल्याएको छ।
यस अफर मार्फत् खल्तीमा उपलब्ध कुनै पनि एयरलाइन्सको टिकट बुक गर्ने हरेक प्रयोगकर्ताले ८ सय रुपैयाँसम्म क्यासब्याक पक्का पाउने कम्पनीले जानकारी दिएको छ।
साथै दैनिक एक जना भाग्यशाली बिजेताले मात्र १ रुपैयाँमा उडान टिकट प्राप्त गर्नेछन्।
खल्तीले हवाई टिकटको कूल रकमबाट जम्मा १ रुपैयाँ कटौती गरी बाँकी रकम बिजेताको खल्ती खातामा ट्रान्सफर हुने जानकारी गराएको छ।
अफरमा सहभागी हुन सहभागीले आफ्नो खल्ती केवाइसी भने अनिवार्य भेरिफाई गराएको हुनुपर्नेछ।
खल्ती अकाउन्ट नभएका नयाँ ग्राहकहरुले पनि खल्ती एप डाउनलोड गरी आफ्नो खल्ती केवाईसी भेरिफाइ गरिसकेपछि अफरमा सहभागी हुन सक्नेछन्।
यो अफर ७ सेप्टेम्बर देखि ४ अक्टोबर २०२१ सम्म मात्र लागु हुने खल्ती वालेटले जनाएको छ।
डिजिटल भुक्तानी मार्फत दशैंको समयमा टिकट काट्न घण्टौं लाइनमा बस्न पर्ने झन्झटबाट मुक्त गर्न साथै क्यासब्याक दिई ग्राहकलाई सुलभ मूल्यमा टिकट उपलब्ध गराउन अफर सञ्चालनमा ल्याइएको खल्ती डिजिटल वालेटका सहायक प्रबन्धक, सौरभ ओझाले बताए।
खल्ती वालेटको प्रयोग गरी ६० भन्दा बढी बैंक तथा वित्तीय संस्थाहरुमा पैसा पठाउन सकिने साथै मोबाइल रिचार्ज, बिजुली, पानी, इन्टरनेट तथा टिभीको बिल भुक्तानी, फिल्म, प्लेन, फोहोर व्यवस्थापन शुल्क, ई–कमर्समार्फत किनिएको सामानको भुक्तानी गर्ने, सरकारी कर तथा सेवा शुल्क तिर्ने जस्ता धेरै सेवाहरु लिन सकिन्छ।
