यस वर्षको ११.११ अभियानको सफलतापछि दराज अनलाइन बजारले वर्षको अन्तिम सेल अभियान 'दराज १२.१२' को घोषणा गरेको छ।
उक्त अभियान २४ मंसिर मध्यरात (११ डिसेम्बर) मा सुरू हुनेछ। १२.१२ मा उपभोक्ताहरूले विशेष छुट, चार हजार रूपैयाँ बराबरको मेगा भौचर र बैंक कार्ड मार्फत् १० प्रतिशत (अधिकतम दुई हजार रूपैयाँ) सम्मको थप छुट पाउने कम्पनीले जनाएको छ।
यस अभियानमा सनराइज बैंक, एनएमबी बैंक, बैंक अफ काठमाडौं, सिटिजन्स बैंक र एभरेष्ट बैंकका कार्डवाहकले क्रेडिट कार्ड मार्फत १० प्रतिशत (अधिकतम दुई हजार रूपैयाँ) सम्म र डेबिट कार्ड मार्फत १० प्रतिशत (अधिकतम एक हजार रूपैयाँ) सम्म छुट पाउन सक्नेछन्।
त्यसैगरी ग्राहकले अभियान अवधिभर आफ्नो ईसेवा र आईएमई–पे वालेट मार्फत भुक्तानी गर्दा सीमित समयभित्र १० प्रतिशत (अधिकतम पाँच सय रूपैयाँ) सम्मको विशेष छुट पनि पाउन सक्नेछन्।
यस वर्षको १२.१२ मा फिलिप्स, सामसङ, लेनोभो, एर्क, लोट्टो, सीजी डिजिटल साथै अन्य धेरैका उत्पादनमा ६० प्रतिशतसम्म छुट रहेको कम्पनीले जनाएको छ। यसबाहेक ग्राहकले फेसन, इलेक्ट्रोनिक्स, घरेलु उपकरणजस्ता विभिन्न वर्गमा रहेका १३ लाखभन्दा बढी उत्पादनमा पनि विशेष डिल र अफर पनि पाउन सक्नेछन्।
कम्पनीका अनुसार दराज १२.१२ एक बिक्री–सञ्चालित अभियान मात्र नभई देशभरका आफ्ना सारा ग्राहकलाई वर्षभरिको अपार विश्वास र वफादारीका लागि धन्यवाद व्यक्त गर्ने एउटा माध्यम हो।
'११.११, दराज र यसका सबै साझेदारका लागि एक रेकर्ड–ब्रेकिङ अभियान थियो। हामी यस्तो कीर्तिमान हासिल गर्न पाउँदा हामी धेरै खुसी छौं। र यो सफलता देशभरका हाम्रा सबै ग्राहकको माया र समर्थन बिना सम्भव हुने थिएन,' दराज नेपालका एमडी लिनो अलरिङले भने, 'हामी अब एउटा अन्तिम अभियान– १२.१२ को साथ २०२१ समेट्न चाहन्छौं। हामी हाम्रा ग्राहकलाई फेरि थप अफरहरू प्रदान गर्न पाउँदा धेरै खुसी छौं।'
अभियानका अतिरिक्त 'एक खेल एक रूपैयाँ' योजना पनि छ जसमा ग्राहकले एक रूपैयाँमा श्री बालाजीको हिराको टप, एन्या गितार, रियलमी नार्जो, हाई ग्राउन्ड एडभेन्चर जिपलाइन र बन्जी, वर्ल्ड लिंक ३०० एमबिपीएसको १२ महिना टिभी र इन्टरनेट जस्ता पुरस्कार जित्ने मौका पाउनेछन्। सहभागी हुनका लागि ग्राहकहरूले डेबिट/क्रेडिट कार्ड वा आईएमई–पे मार्फत १ रूपैयाँ पूर्व–भुक्तानी गर्नुपर्छ। यदि ग्राहकले नजितेमा, रकम पूरा फिर्ता गरिनेछ।
त्यस्तै नयाँ दराज प्रयोगकर्ताले १२.१२ मा किनमेल गरे बापत् रियलमी-८ स्मार्टफोन जित्ने मौका पनि पाउने कम्पनीले जनाएको छ। दराजमा साइन अप गरी आफ्नो पहिलो अर्डर राखेबापत प्रयोगकर्ताहरू स्मार्टफोन जित्न योग्य हुनेछन्।
यति मात्र नभई, १२.१२ मा किनमेल गर्ने ग्राहकले मेगा–गिभवे अन्तर्गत बाल्ट्राको फ्रन्ट लोडिङ, १० केजीको वासिङ मेसिन जित्ने मौका पाउने छन्।
थप विवरणका लागि दराजको यो लिंकमा क्लिक गर्नुहोस्।
