सन् १९७३ मा लक्ष्मी मिठाई भण्डारमा मिठाई उत्पादनबाट व्यवसायिक यात्रा सुरु गरेको लक्ष्मी ग्रुपले आफ्नो ४८औ स्थापना दिवस मनाएको छ।
ग्रुपले हरेक वर्ष पुस ५ गते आफ्नो स्थापना दिवस मनाउने गरेको छ। यो अवधिमा ग्रुपले व्यस्थित सेवा र रोजगारी प्रदान गरिरहेको कम्पनीको दाबी छ।
कम्पनीले हालसम्म मीठाई, दुध, प्लास्टिक, अटोमोबाइल, इलेक्ट्रोनिक्स, स्टिल र अन्य विभिन्न क्षेत्रमा लगानी गरिरहेको छ। अन्य विभिन्न क्षेत्रमा लगानी विस्तार गर्ने कम्पनीको योजना छ।
सोमबार कम्पनीले कर्पोरेट एण्ड थ्यांक्स् गिभिङ डे मनाएको थियो। उक्त कार्यक्रममा लक्ष्मी ग्रुप अन्तर्गतका सबै कर्मचारीहरुको उपस्थिति थियो। कार्यक्रमको उद्घाटन ग्रुपका अध्यक्ष गणेशबहादुर श्रेष्ठले गरे।
कार्यक्रममा ग्रुपमा ५ देखि ४० वर्ष बिताएका कर्मचारीहरुलाई सम्मान पनि गरिएको थियो। साथै खेलकुद सप्ताहमा बिजेता भएकाहरुलाई सम्मान गरिएको थियो। ग्रुपले सामाजिक उत्तरदायित्वअन्तर्गतका कार्यक्रमहरु समेत गरेको थियो।
