अनलाइन भुक्तानी सेवाप्रदायक कम्पनी ‘खल्ती’ ले राष्ट्रिय वाणिज्य बैंकसँग सम्झौता गरेको छ। अब राष्ट्रिय वाणिज्य बैंकका प्रयोगकर्ताहरूले मोबाइल बैंकिङ एपमार्फत् खल्तीमा पैसामा राख्न सक्नेछन्।
यो साझेदारीसँगै राष्ट्रिय वाणिज्य बैंकका ग्राहकहरूले बिना झन्झट खल्ती वालेटमा पैसा राखी सबै प्रकारको भुक्तानी गर्न सक्ने छन्।
खल्ती प्रयोगकर्ताकाे संख्या प्रत्यक्ष २० लाखभन्दा बढी र अप्रत्यक्ष लाखौँ छन्।
यसबाट मोबाइल र टिभी रिचार्ज, फ्लाइट तथा मुभी टिकट बुकिङ, बीमा प्रिमियम तथा अनलाईन सपिङ साईटमा भुक्तानी गरी ६० हजार बढी सेवाहरु लिन सकिने कम्पनीको दावी छ।
