ज्यासमिन हाइजिन प्रोडक्ट्स प्रालिले आफ्नो उत्पादनअन्तर्गत उच्च गुणस्तरको 'सफ्ट एन्ड ड्राइ प्रिमियम प्यान्टस' डाइपर नेपाली बजारमा ल्याएको छ। यो डाइपरमा उच्च गुणस्तरका कच्चापदार्थ प्रयोग गरिएको कम्पनीको दाबी छ।
सफ्ट एन्ड ड्राइ प्रिमियम प्यान्टस डाइपर पातलो हुनुका साथै निकै नरम पनि छ। यो डाइपर नेपालमा उत्पादित पहिलो अल्ट्रा-थिन डाइपर भएको कम्पनीले दाबी गरेको छ। यो डाइपर ठूलो नदेखिने र लगाउनसमेत सहज हुने कम्पनीको भनाइ छ।
यसमा थ्री डी इम्बोस्ड टपसिट छ जसले गर्दा गिलोपनलाई छिट्टो सोस्नुको साथै यसमा हावाको परिसंचरण पनि कायम राख्छ। सफ्ट एन्ड ड्राइ प्रिमियम प्यान्टसमा भएको एन्टी-ब्याक्टेरिअल विशेषताले बच्चाको छालामा कुनै पनि खालको डाबर आउन दिँदैन।
साथै, यो डाइपरमा भएको थ्री-लाइन वेटनेस इन्डिकेटरले बच्चाको डाइपर फेरिदिनुपर्ने समयबारे सतर्क गराउँछ। डाइपर डल्लो नपर्ने र चुहिने समस्या पनि नआउने कम्पनीले बताएको छ।
ज्यासमिन हाइजिन प्रोडक्ट्सले विगत १५ वर्ष देखि नेपालमा स्यानिटरी प्याड तथा बच्चाको डाइपर उत्पादन गर्दै आएको छ।
