मालिस गर्ने तेलको रूपमा प्रसिद्ध नवरत्न तेल इमामी कम्पनीको उत्पादन हो। विभिन्न नौ आयुर्वेदिक जडिबुटीहरूको समिश्रणबाट तयार पारिने नवरत्न तेल नेपालको बजारमा एक अग्रणी स्थान ओगट्न सफल मालिस तेल हो।
विशेष गरेर टाउको र शरीर दुवैको लागि मालिस गर्न उपयुक्त यो तेल महिला र पुरुष दुवै वर्गको लागि उपयुक्त छ। यो तेलले मालिस गरेपछि गहिरो आराम, मानसिक कायाकल्प, र सितल अनुभव, शरीरको दुखाई कम हुने, तनाव र दवाबबाट मुक्त गराउने तथा शारीरिक एवं मानसिक आराम प्रदान गर्ने कम्पनीले दाबी गरेको छ।
नवरत्न तेललाई अझ बढी उपभोक्ताहरू माझ पुर्याउने लक्ष्यका साथ विगत केही वर्षदेखि सञ्चालन गरिँदै आएको 'नवरत्न आयल फ्री हेड मसाज क्याम्प' यो वर्ष पनि सञ्चालन गरिने भएको छ। काठमाडौं उपत्यका लगायत देशका प्रमुख शहरहरू पोखरा, नेपालगन्ज, विराटनगर, जनकपुर, वीरगञ्ज, नारायणघाट, हेटौंडा, भरतपुर, धरान लगायत अन्य शहरहरूमा सञ्चालन गरिने यो निः शुल्क मसाज क्याम्प जम्मा १५० दिनसम्म सञ्चालन हुनेछ।
क्याम्प सञ्चालनका सम्बन्धमा जानकारी दिँदै नवरत्न तेलका ब्राण्ड प्रबन्धक विकास तिवारीले भने, 'हाल नेपालमा कोरोना महामारीको अवस्था लगभग शून्य छ। विगतमा महामारीकै कारण यो क्याम्प सञ्चालन गर्न असमर्थ भयौं। तर अहिले हामी फेरि क्याम्प संचालनका लागि अग्रसर भएका छौं। क्याम्पको अवधिभर हामीले ५० जिल्लाका करिब १० लाख जनाले निःशुल्क टाउको मालिसको फाइदा लिनुहुने अपेक्षा गरेका छौं।'
