आइएमई ग्रुपद्वारा प्रवर्द्धित आइएमई डिजिटल सोलुसन अन्तर्गत सञ्चालित भुक्तानी सेवा प्रदायक कम्पनी आइएमई पे को एप डाउनलोड संख्या ४० लाख पुगेको छ।
एप डाउनलोड संख्या ४० लाख पुगेको अवसरमा चन्द्रागिरिस्थित २५ सय ५१ मिटरको उचाइमा केक काटेर मनाइएको छ।
ग्रुपका सिनियर भाइस प्रेसिडेन्ट सुमन पोखरेल र आइएमई पेका प्रमुख कार्यकारी अधिकृत प्रवीण रेग्मीले उक्त अवसरमा सहकर्मी साथीहरूकाबीच खुशी आदानप्रदान गरेका थिए।
कार्यक्रमलाई सम्बोधन गर्दै सिनियर भाइस प्रेसिडेन्ट सुमन पोखरेलले डिजिटल पेमेन्टका क्षेत्रमा रहेका अवसरहरूको विषयमा चर्चा गरे।
