नेपाल युवा उद्यमी मञ्चको आयोजनामा ‘नवौं महिला उद्यमी सम्मेलन २०२३’ हुने भएको छ।
मञ्चले आगामी शनिबार(मार्च १८) काठमाडौंको र्याडिसन होटलमा सम्मेलन आयोजना गर्न लागेको हो।
यस वर्षको शिखर सम्मेलनको नारा ‘एक्सेलेरेटिङ सक्सेस’ रहेको छ।
सम्मेलनमा प्रेरणादायी महिला उद्यमीहरुबीचको स्पिड नेटवर्किङ सत्रहरु, उनीहरुको यात्रा साझेदारी, कार्यशाला र प्यानल छलफल हुने मञ्चले जनाएको छ।
यस्तै, प्रवक्ताहरु, प्यानल छलफल, स्टार्टअप सोकेस, आइसब्रेकर र नेटवर्किङ र वुमन इन बिजनेस एन्ड मेड इन नेपाल विषयमा छलफल हुनेछ सम्मेलनमा तीन सय भन्दा बढी सहभागी हुने आयोजकको अनुमान छ।
