बिराटनगरमा रहेको हनुमन्ते पोली इण्डष्ट्रीजले उत्पादन गरेको स्योर स्लिप ब्राण्डको मेट्रेसको बिक्री सुरु भएको छ।
स्लिप डोभ सप्लायर्सले चितवनमा यसको बिक्री सुरु गरेको हो।
पत्रकार सम्मेलन गर्दै सप्लायर्सले उक्त मेट्रेसको बिक्रीवितरण सुरु गरेको जानकारी दिएको हो।
विदेशी मेट्रेसले बजार लिइरहेको अवस्थामा नेपालमै बनेको गुणस्तरीय मेट्रेसको बिक्री सुरु गरिएको सप्लायर्सका कार्यकारी निर्देशक रेशमराज शर्माले बताए।
‘बोनडेड, पकेट स्प्रिङ मेट्रेस, ग्रिन मेट्रेस उपलब्ध गराएका छौं। होटल व्यवसायीलाईसमेत लक्षित गरेर फरक कपडा राखेर बनाइएको होटल मेट्रेस पनि उपलब्ध गराएका छौं,’ उनले भने।
सप्लायर्सका प्रबन्ध निर्देशक सुरेश धिमालले नेपालमा मेट्रेसको प्रयोग गर्ने उपभोक्ता बढेपनि गुणस्तरीय मेट्रेस नहुँदा ग्राहक ठगिने गरेको बताए।
चितवनमा विदेशी मेट्रेसलाई प्रतिस्थापन गर्नेगरी नेपालमै बनेको गुणस्तरीय मेट्रेसको बिक्री सुरु गरेको उनले बताए।
उनले उपभोक्ताको बेडको साइज र आवश्यकताअनुसार मेट्रेस कस्टुमाइज वा रिसाइन पनि गरिने बताए।
हनुमन्ते पोली इण्डष्ट्रीजका प्रतिनिधि सुमिन्द्र जोशीले आफ्ना सबै उत्पादनमा ज्ञारेन्टी रहेको बताए।
‘विदेशी मेट्रेसको वारेन्टी हुन्छ, हामी ज्ञारेन्टी दिन्छौं। ताकिएको अवधिभित्र बिग्रिए अर्को दिन्छौं। यसबाट पनि हाम्रो उत्पादनको गुणस्तर कस्तो छ भन्ने कुरा थाहा हुन्छ,’ उनले भने।
उनले विदेशका जुनसुकै ब्राण्डका भन्दा सस्तो मूल्यमा गुणस्तरीय मेट्रेस उपलब्ध गराउने दाबी उनले गरे।
