सेल्सबेरी डिपार्टमेन्ट स्टोरले काभ्रेको धुलिखेलमा नयाँ शाखा विस्तार गरेको छ।
शनिबार ३०औं शाखाको रुपमा सेल्सबेरीले नयाँ शाखा विस्तार गरेको कम्पनीले बताएको छ।
धुलिखेलका ग्राहकहरूलाई सेवा प्रदान गर्ने उद्देश्यले धुलिखेल चोकमा रहेको गोपिनी सदन नामक भवनमा नयाँ शाखा विस्तार गरेको सेल्सबेरीको भनाइ छ।
नयाँ शाखा विस्तारको क्रममा 'धुलिखेल ओपेनिङ अफर' नामक क्याम्पेन पनि सार्वजनिक गरिएको सेल्सबेरीले जनाएको छ।
धुलिखेल शाखामा मात्र लागू हुने यस अफर अन्तर्गत विभिन्न खाद्य वस्तुहरूलगायत अन्य सामग्रीहरूमा विशेष छुट प्राप्त हुने बताइएको छ।
सेल्सबेरीका अनुसार उक्त अफर ३० चैतसम्म लागू हुनेछ।
