नयाँ वर्ष २०८० को अवसरमा आइएमई पेले नयाँ अफर सार्वजनिक गरेको छ।
आइएमई ग्रुपद्वारा सञ्चालित 'आइएमई डिजिटल सोलुसन लिमिटेड' को 'आइएमई पे' ले 'गोल्डस्टार शुजसँग नयाँ वर्ष' नामक अफर सार्वजनिक गरेको हो।
चैत २७ गतेदेखि वैशाख ५ गतेसम्म ९ दिनका लागि कायम रहने यस अफर अन्तर्गत गोल्डस्टार शुजको आधिकारीक शोरुमहरूबाट कुनै पनि जुत्ता खरिदमा आइएमई पेमार्फत् क्युआर स्क्यान गरी भुक्तानी गर्दा १५ प्रतिशत छुट प्राप्त गर्न सकिने कम्पनीले बताएको छ।
आइएमई पे र गोल्डस्टार शुजले सेवाग्राहीमैत्री व्यापार प्रवर्द्धन गर्न सो सम्झौता गरेको कम्पनीको भनाइ छ।
