तीन देशीय श्रृंखलामा श्रीलंकाले बंगलादेशमाथि १० विकेटको फराकिलाे जित हात पारेको छ। यससँगै श्रीलंकाले फाइनलमा स्थान बनाएको छ।
ढाकामा टस जितेर पहिले ब्याटिङ गरेको घरेलु टोली बंगदादेश २४ ओभरमा ८२ रन जोड्दा अलआउट भयो। उसका मुस्पिकर रहिमले २६ रन बनाए भने सविर रहमानले १० रन जोडे। बंगलादेशका अन्य कुनै पनि ब्याट्सम्यानले दोहोरो अंक जोड्न सकेनन्।
बंगलादेशले दिएको ८२ रनको लक्ष्य श्रीलंकाले मात्र ११.५ ओभरमा विना विकेटको क्षतिमा भेट्टायो। ओपनर उपल थारंगा ३९ र दानुष्का गुनाथिलका ३५ रनमा अविजित रहे। बंगलादेशलाई सस्तैमा समेट्ने क्रममा श्रीलंकाका सुरंगा लकमलले ३ विकेट लिए भने दुश्मंथा चेमेरा, थिसरा परेरा र लक्सन सान्डकनले समान २-२ विकेट आफ्नो नाममा लेखाए।
श्रीलंकाले अब जिम्बाबेसंग खेल्नेछ।
