नामिबियामा जारी आइसिसी विश्व क्रिकेट लिग डिभिजन–२ अन्तर्गत समूह चरणको अन्तिम खेलमा नेपालले क्यानडा विरुद्ध
छैठौ सफलता हात पारेको छ।
नेपाललाई छैठौ सफलता सरद भेषवाकरले दिलाएका हुन्। यसअघि सन्दीप लामिछाने र बसन्त रेग्मीले २- २ तथा करण केसीले १ विकेट लिएका छन्।
१० ओभरसम्म कुनै सफलता हात नपारेको नेपालले ११ ओभरमा दोस्रो सफलता हात पारेको थियो।
नेपालका लागि बसन्त रेग्मीले पहिलो विकेट दिलाएका थिए। उनले आफ्नो स्पेलको दोस्रो बलमै रभिन्दु गुणकेसरालाई ९ रनमा रोहितकुमार पौडेलबाट क्याच गराए।
गुणकेसरा आउट भएसँगै क्यानडाको ४६ रनको ओपनिङ साझेदारी तोडियो।
यस्तै सन्दीप लामिछानेले क्यानडाका कप्तान नितीश कुमारलाई ५ रनमा आउट गरेका छन्। यस्तै सन्दीपलेनै धनुस्का पाथिरानालाई २ रन बनाएर खेलिरहँदा एलबिडब्लुको धरापमा पारे।
यस्तै २६औं ओभरको चौथो बलमा रेग्मीले व्यक्तिगत दोस्रो विकेट लिएका हुन्। रेग्मीले नवनित धालिवाललाई ४ रनमा विकेट किपर दिलिप नाथको हातबाट क्याच गराए।
यस्तै ३५औं ओभरको तेस्रो बलमा हजाम तारिकलाई करणले आरिफ शेखको हातबाट क्याच गराए।
यस्तै ४१औं ओभरको पहिलो बलमा भेषवाकरले साड बिन जाफरलाई एलबि डब्लुको धरापमा पारेका हुन्।
टस हारेर पहिले ब्याटिङ गरिरहेको क्यानडाका लागि ओपनर विजयरत्ने र निखिल दत्त ब्याटिङ गरिरहेका छन्।
क्यानडाले ४२ ओभरमा ६ विकेटको क्षतिमा १५६ रन जोडेको छ।
