आइसीसी विश्वकप छनोटको प्लेअफमा नेदरल्याण्डले हङकङलाई १७५ रनको लक्ष्य दिएको छ।
निर्धारित ५० ओभरको खेलमा टस जितेर पहिले ब्याटिङ गरेको नेदरल्याण्डले ४८.२ ओभरमा अलआउट हुँदै १७४ रन बनाएको हो। उसका लागि म्याक्स ओडाउन्डले सर्वाधिक ६२ रन बनाए।
नेदरल्याण्डलाई मध्यम स्कोरमा रोक्न हङकङका नादिम अहमदले ३ तथा तानविर अफजाल र इसान खानले २-२ विकेट लिए।
हङकङ र नेदरल्याण्डको खेल नेपालका लागि पनि महत्वपूर्ण भएकाले आज हङकङको हार र जितलाई महत्वका साथ हेरिएको छ।
